एका शेतकरी जोडप्याकडे पाळीव मुंगूस होता. एके दिवशी, शेतकरी आणि त्याच्या पत्नीला कामासाठी तातडीने घराबाहेर जावे लागले, आणि म्हणून त्यांनी मुंगूस आपल्या बाळाजवळ सोडले आणि त्याच्याकडून आश्वासन घेतले कि तो बाळाचे चांगले रक्षण करेल. शेतकरी जोडपे बाहेर गेल्यावर एक साप हळूच घरात शिरला आणि बाळावर हल्ला करण्यासाठी पाळण्याजवळ गेला. हुशार मुंगूस बाळाचे रक्षण करण्यासाठी सापाशी लढले आणि त्याने सापाला मारले. शेतकऱ्याची पत्नी घरी परतल्यावर मुंगूसच्या तोंडावर आणि दातांवर रक्ताचे डाग पाहून तिला धक्काच बसला. तिचा संयम सुटला आणि ती ओरडली, “तू माझ्या बाळाला मारलेस!” तिच्या रागामुळे तिने स्वतःवरील सर्व नियंत्रण गमावले आणि एकनिष्ठ मुंगसाला तिने मारले. जेव्हा ती घरात गेली तेव्हा तिला जिवंत बाळ आणि त्याच्या शेजारी मेलेला साप दिसला. तिला घडलेल्या प्रकाराची जाणीव झाली आणि तिला तिच्या कृत्याचा पश्चाताप झाला.
बोध: कृती करण्यापूर्वी विचार करा.
